Një dyqan bizhuterish është grabitur në zonën e Pazarit të Ri, ndërsa burime të policisë në vendngjarje kanë pohuar se autorët kanë çarë murin e një banese ngjitur me dyqanin dhe më pas e kanë grabitur atë.
Mendohet se grabitësit kanë marrë me vete 10 kilogramë flori, 30 kilogramë argjend dhe bizhuteri të tjera, me vlerë deri në 500 mijë euro. Dyqani është në pronësi të shtetasit Pavlo Sharpa, ndërdsa mendohet se grabitja është kryer gjatë mbrëmjes së vonë të ditës së premte.
Njoftimi i policisë
Më datë 08.10.2016, rreth orës 04:00, tek Sheshi “Avni Rustemi”, është vjedhur argjendaria e shtetasit P. Sh.
Nga kqyrja e vendit të ngjarjes rezulton se vjedhja është kryer duke përfituar nga godina në krahë e cila është në ndërtim e sipër, nga ku është hapur në mur një dritare dhe më pas kanë hyrë në argjendari.
Grupi hetimor po punon për gjetjen dhe vënien para përgjegjësisë ligjore personat e përfshirë në këtë ngjarje.
