Policia e Shtetit ka dhënë detaje në lidhje me operacionin e zhvilluar në Francë dhe në Shqipëri, ku u godit një grup kriminal që kryente grabitje.
Sipas policisë Shqiptare janë arrestuar 8 persona, nga këta 5 në Francë dhe 3 në Shqipëri. Autoritetet franceze i kanë përcjellë shqetësimin oficerit ndërlidhës shqiptar të atashuar pranë zyrave qendrore të luftës kundër krimit shëtitës në Paris. Pas shkëmbimit të informacionit si dhe me ndihmën e EUROPOL, autoritetet shqiptare paraqitën gjithë hetimet e kryera për grupin në Shqipëri.
“Gjatë operacionit të zhvilluar u arrestuan 7 persona, nga këta 4 në Francë. Janë kryer dhjetëra kontrolle banesash, ku morën pjesë rreth 40 xhandarë dhe policë francezë. 3 persona të tjerë u arrestuan në Shqipëri, ku morën pjesë rreth 50 punonjës të Policisë së Shtetit dhe Task – Forca “Anti – Skifter”. Personi i tetë është arrestuar dy ditë më vonë në Francë”, njofton zyrtarisht policia.
Kontrollet e kryera bënë të mundur gjetjen dhe sekuestrimin në veçanti në Shqipëri, të disa objekteve të vjedhura në Lorraine, Francë, në fund të vitit 2018, duke përfshirë bizhuteri të identifikuara me ndihmën e hetuesve francezë. Një familjeje me origjinë kosovare, shërbente si pikë mbështetëse për grabitësit. / Opinion.al
LEXO EDHE- Si funksiononte grupi i grabitësve në Francë, niseshin nga Laçi dhe…
