Një grabitje me armë ka ndodhur në autostradën Lushnje-Fier në orët e vona të mbrëmjes të së dielës. Sipas Klan News persona të paidentifikuar kanë grabitur drejtuesin e një automjeti dhe më pas i kanë marrë makinën tip Benz. Ata i dolën para mjetit duke i bllokuar rrugën me automjetin e tyre dhe nën kërcënimin e armës e grabitën.
Policia bën me dije se ngjarja ka ndodhur vendin e quajtur “Pushimi i shoferit”, Lushnjë.
Mjeti me të cilin grabitësit bllokuan rrugën ishte me targa angleze dhe dyshohet të jetë i vjedhur. Pas grabitjes autorët u arratisën ndërsa shoferi i mjetit që ra pre e kësaj grabitjekallëzoi ngjarjen ne polici.
“Mbrëmjen e djeshme, kallëzon shtetasi M. P., banues në Divjakë, se në vendin e quajtur “Pushimi i shoferit”, Lushnjë, persona të paidentifikuar, i kanë marrë me dhunë, automjetin tip “Benz”, me të cilin po udhëtonte”-njofton policia.
Grupi hetimor po punon për zbardhjen e plotë të rrethanave të ngjarjes, identifikimin dhe kapjen e autorit/ëve.
