Kur ende nuk kishte perënduar dielli dy persona të maskuar, kanë hyrë në një banesë në lagjen “Naim Gjylbegu ku kanë dhunuar të zonjën e shtëpisë dhe kanë grabitur një shumë parash.
Burime nga policia thanë për SYRI.net se ngjarja ka ndodhur mbrëmjen e djeshme në orën 20:20 minuta, kur dy personat e maskuar kanë hyrë në banesën e qytetarit me inicialet B. B., 53 vjeç.
Kur të maskuarit kanë hyrë në banesë janë përballur me gruan që ndodhej aty me inicialet S. B., të cilën e kanë goditur me grushte disa herë.
Pas kësaj, dy personat e maskuar kanë grabitur shumën prej 3 milionë lekë dhe janë zhdukur. Në vendin ngjarjes kanë mbërritur uniformat blu që kanë nisur hetimet në lidhje me këtë ngjarje, ndërsa është duke u punuar për identifikimin e autorëve të grabitjes.
