Pas grabitjes së ndodhur në oborrin e Sheraton pak ditë më parë, policia ka ndaluar dy persona si të dyshuarit kryesore, për rrëmbimin e 180 mijë Dollarëve. Marian Gjonpalaj dhe Albert Gjonpalaj, po pyeten nga grupi hetimor lidhur me ngjarjen, ndërsa dyshohet se janë përfshirë edhe në tentaitvën për grabitjen e një banke në Tiranë në prill të këtij viti.
Njoftimi i policisë së Tiranës
Tiranë
Specialistët e Komisariatit të Policisë Nr. 6, finalizojnë operacionin “Skafandra”. Ndalohen dy shtetas për veprën penale të “Vjedhjes me dhunë e kryer në bashkëpunim” e mbetur në tentativë.
Sot më datë 01.05.2016 u ndaluan shtetasit:
-Marian Gjonpalaj, 31 vjeç, banues në Tiranë.
-Albert Gjonpalaj, 20 vjeç, banues në Tiranë.
Shtetasit e lartëpërmendur, më datë 07.04.2016 në rrugën dytësore “Llazi Miho” pranë një banke të nivelit të dytë, kanë tentuar ti vjedhin shtetasit E. A., një shumë monetare.
Falë punës së Specialistëve të Komisariatit të Policisë Nr. 6 u bë i mundur identifikimi dhe kapja e atorëve të kësaj vepre penale. Materialet proceduriale ju kaluan Prokurorisë pranë Gjykatës së Shkallës së Parë Tiranë për veprën penale të “Vjedhjes me dhunë e kryer në bashkëpunim” e mbetur në tentative parashikuar nga Neni 139, 25 dhe 22 i Kodit Penal.
