Policia ka shoqëruar bashkëshorten e Admir Muratajt. Megjithëse nuk është konfirmuar zyrtarisht se personi i vrarë dje gjatë grabitjes së 10 milionë eurove në Rinas është Admir Murataj, autoritetet po pyesin me imtësi bashkëshorten e tij.
Fillimisht ishin mediat greke të cilat dhanë lajmin se personi i vrarë dje ishte Admir Murataj, ndërsa sot ky lajm është konfirmuar edhe nga disa media shqiptare.
Nga ana tjetër ka folur edhe vëllai i Admir Murataj. Në një reagim të shkurtër për “Gazeta Shqiptare”, ai thotë se policia nuk i ka konfirmuar ende nëse viktima është vëllai i tij. Më tej shprehet se në shtëpinë e tij priten ngushëllimet.
Admir Murataj është një emër i njohur për drejtësinë greke dhe atë shqiptare. Ai dyshohet se ka organizuar edhe grabitjen e 3,8 milionë dollarëve më 3 dhjetor të vitit 2015 dhe 3,2 milionë eurove në 9 shkurt të vitit 2017 në rrugën e Rinasit./Opinion.al
