Gjykata kundër Krimit të Organizuar dhe Korrupsionit ka vendosur të ndryshojë masën e sigurisë për Hasan Kanacin, i cili është një nga të akuzuarit për grabitjen e ndodhur më 9 prill në aeroportin e Rinasit.
Ndryshimi i masës ndaj të akuzuarit në detyrim paraqitje është bërë për shkak të mungesës së provave të cilat mund ta linin në burg Kanacin.
Masa është shpallur që në orën 12 dhe ai nuk është liruar ende pasi administrata e paraburgimit 313 është pushim për fundjavë.
Hasan Kanaci akuzohej se ishte një nga personat i cili i informoi grabitësit për lëvizjen e parave në Rinas. Ai ishte me detyrën e agjentit të kargos, por prokuroria nuk siguroi prova shtesë ndaj gjyqtari i GJKKO, Bib Ndreca urdhëroi disa muaj pas arrestimit të tij, që të ndryshojë masën.
Në lidhje me grabitjen e ndodhur në Rianas, aktualisht janë në paraburgim edhe gjashtë persona të tjerë teksa në kërkim vazhdojnë të jenë Klement dhe Edi Çela. Gjatë grabitjes së 9 nëntorit, mbeti i vrarë Admir Murataj, i cili dyshohet se ishte dhe kreu i grupit kriminal./ Opinion.al
