Prej mëngjesit të hënës, forcat speciale të RENEA-s kanë nisur kontrolle në fshatin Karakullak të Elbasanit. Kontrollet vijnë pas ndalimeve që u bënë një ditë më parë në këtë qytet, në lidhje me grabitjen e 9 prillit në Rinas, ku u vodhën 6.5 milionë euro. Personat e ndaluar nga policia janë: F.Beqiraj, A.Bengasi, R.Sula dhe Saimir Çela.
Po ashtu mësohet dhe se çfarë ka deklaruar në polici, pronari i servisit ky dyshohet se u modifikua furgoni me mbishkrimin “Hetimi tatimor” që u përdor nga Admir Murataj dhe bashkëpunëtoret e tij në grabitjen e 6.5 milionë eurove.
Gentian Sharra ka thënë se servisin ia kishte dhënë me qera shtetasit Elvi Çala, por nuk kishte kontratë noteriale pasi ishte në proces hipotekimi. Po ashtu mësohet se Elvi Çala është vëllai i Klement Çalës, një person në këkrim për një tjetër grabitje ndërsa ka dyshime të forta se ka marrë pjesë dhe në grabitjen e fundit në Rinas.
Servisi ndodhet në rreth-rrotullimin e Bradasheshit në Elbasan. Hetuesit janë tepër te rezervuar ne dhënien e informacionit, por zbulimi i servisit është bërë nga këqyrja e qindra orëve filmime të kamerave të sigurisë, nga ku ka kaluar ky mjet.
Dyshohet se Policia ra në gjurmët e të arrestuarve pas provave të mbledhura në furgonin që u përdor për të hyrë në pistën e Rinasit. Hetuesit kanë dyshime se pjese këtij grupi të ketë qenë edhe një femër, e cila ka kryer veprime aktive në grabitje./Opinion.al
