500 mijë lekë është shuma e vënë në dispozicion nga Policia e Tiranës për këdo që ka informacion për autorët e grabitjes me armë të ndodhur këtë të mërkurë në Kamëz, ku një ccift bashkëshortësh ranë viktimë e një tentative grabitjeje.
Deri në këto momente, policia thotë se janë shoqëruar 13 persona për t’u marrë në pyetje për ngjarjen ku mbeti i vrarë Agim Buci, pronar i një dyqani në rrugën “OSBE”, si dhe u plagos, bashkëshortja e tij, Merita Buci.
“Një grup i posaçëm hetimor nga Drejtoria e Policisë Tiranë, nën drejtimin e Specialistëve të Departamentit të Policise Kriminale po punojnë për zbardhjen e ngjarjes së ndodhur këtë të mërkurë në Kamëz. Deri më tani, janë shoqëruar 13 persona për t’u marrë në pyetje në lidhje me ngjarjen. Policia e Tiranës vë në dispozicion 500.000 lekë për cilindo që jep informacion të vlefshëm”, -thuhet në një njoftim të policisë për mediat.
Vijon puna për fiksimin e ccdo prove materiale të vlefshme për zbardhjen e ngjarjës. Për ccdo informacion që do shërbejë për identifikimin e autorëve të kësaj ngjarje të telefonojnë në numrin 069 41 10 299, duke garantuar anonimatin.
