Një nga dy personat që mbeti i plagosur dje në Fier, pasi ndërhyri për të ndaluar agresorët që po grabisnin një pike të këmbit valutor ka ndërruar jetë.
Mësohet se Agur Vrenozi, 54 vjeç, nuk arriti dot t’u shpëtojë plagëve të marra dhe ndërroi jetë në spitalin e Traumës.
Vrenozi ndërhyri gjatë momentit të grabitjes për të ndihmuar pronarin e pikës, por u qëllua në kokë nga grabitësit.
Ai ndodhej në reanimacionin e Traumës në Tiranë, ne gjendje kritike, pasi i ishte nënshtruar një ndërhyrje kirurgjikale.
Mjekët konstatuan dëmtime të mëdha të strukturës kockore dhe të trurit pasi u plagos me armë zjarri, pasi ai ndërhyri për t’i ofruar ndihmë pronarit të Exchange.
Pas grabitjes policia arriti te kapte tre autoret; Zini Fyraj, Lulëzim Demiraj dhe Dashamir Gergali. Ata pasi hyne ne piken e kembimit valutor qëlluan me armë zjarri dhe lane te plagosur pronarin, Gëzim Hoxha, 64 vjeç dhe Agur Vrenozin, i cili per fat te keq humbi jeten
