Në një konferencë për mediat të mbajtur ditën e sotme, zvendës/kryeministrja dhe njëherazi ministrja e Infrastrukturës dhe Energjisë, Belinda Balluku, është pyetur nga gazetarët lidhur me grabitjen e më shumë se 120 mijë eurove në banesën e ish-këshilltares së ish-zëvendëskryeministrit Arben Ahmetaj, Alda Klosi.
Teksa tha se për shkak të punës nuk ka shumë kohë në dispozicion, Balluku i bëri thirrje drejtësisë të bëjë punën e vet pa dëgjuar askënd.
“Jam shumë e zënë dhe me del pak kohë të shikoj me fëmijët e mi e jo më me lajme e të di kush është ish-shefja e paraardhësit tim.Dua t’ju kujtoj një fakt që PS dhe Rama janë iniciatorë dhe udhëheqësit të reformës në drejtësi. I bëjmë thirrje drejtësisë të bëjë punën e vet pa dëgjuar askënd”, tha ajo.
