Shoqërisë private të ruajtjes dhe sigurisë “Jaguar” që shoqëronte paratë e BKT i është hequr licenca një ditë pas grabitjes. Policia e Shtetit tha se mjeti ku po transportoheshin paratë e grabitura nuk ishin të blinduara. 6 punonjës të policisë private kanë rënë në pranga nën akuzën e shpërdorimit të detyrës.
Më poshtë njoftimi i policisë së Tiranës për ngjarjen e djeshme në Qafë kashar u grabit një shumë e madhe parash të BKT-së që transpotoheshin drejt Rinasit.
Më datë 09.02.2017, rreth orës 13:24, në segmentin rrugor interurban Qafë Kashari – Rinas. Janë vjedhur me armë zjarri, nga disa persona të paidentifikuar, dy automjete në dukje të blinduara të një Shoqërie Private të Sigurisë Fizike, e më pas janë larguar me dy mjete të cilat janë gjendur të djegura pranë vendit të ngjarjes.
Në vendngjarje janë gjetur dhe sekuestruar në cilësinë e provës materiale:
– 13 gëzhoja, model 64 dhe model 56
– 2 automjetet e Shoqërie Private të Sigurisë Fizike
– 2 automjetet e djegura plotësisht, të dyshuara të përdorura nga autorët
Shumat monetare që po transportoheshin në drejtim të Rinasit ishin të një banke të nivelit të dytë, shumë e cila ende nuk është përcaktuar.
Si rrjedhojë janë arrestuar shtetasit :
- Fatmir Gapi, 56 vjeç, banues në Tiranë, me detyre drejtues teknik i SHPSF
- Xhelil Metaj, 43 vjeç, banues në Tiranë, me detyre punonjës SHPSF,
- Gentian Dedja, 31 vjeç, banues në Tiranë, me detyre punonjës SHPSF,
- Perparim Logu, 39 vjeç, banues në Tiranë, me detyre punonjes SHPSF,
- Endrit Daçi, 31 vjeç, banues në Tiranë, me detyre shofer i shoqerise,
- Dashamir Balla, 42 vjeç, banues në Tiranë, me detyre shofer i shoqerise.
Materialet proceduriale do ti kalojnë Prokurorise së Rrethit Gjyqësor Tiranë, për veprat penale të “Vjedhjes me arme” dhe “Shpërdorim detyre”, parashikuar nga Nenet 140-25 dhe 248 të Kodit Penal.
