Një grup vajzash nga Kosova të cilat udhëtonin disa ditë më parë nëpërmjet Rrugës së Kombit, denoncuan në Polici kërcënimin që u ishte bërë në këtë aks rrugor nga një person me motoçikletë i cili kishte qëlluar në ajër duke kërkuar ti grabisë, si edhe neglizhencën e Policisë e cila sipas tyre nuk kishte ndërhyrë në kohë. Policia e Shtetit në një deklaratë mbi ngjarjen informon se “sipas informacioneve të mbledhura nga policia, rezulton se në orën 22:00 të mbrëmjes në fjalë, një shtetase nga Kosova ka telefonuar në numrin publik 129 për të denoncuar ngjarjen, sipas së cilës, një person me një motorçikletë, ka kërkuar t’i ndalojë, duke qëlluar me armë në ajër. Me t’u informuar, shërbimet e policisë janë nisur drejt vendit ku pretendohej se kishte ndodhur ngjarja dhe kanë kryer kontroll sipas procedurave.
Në përfundim nuk është konstatuar as mjeti dhe as personi i pretenduar si autor. Policia ka zgjeruar rrethin e kërkimit, por nuk ka qenë e mundur të gjenden gëzhoja armësh apo shenja që të dëshmojnë për një ngjarje të tillë.
Janë pyetur gjithashtu në cilësinë e personave që mund të kenë dijeni, disa banorë të fshatit Fishtë, si dhe pronari i lokalit ku vajzat kishin darkuar, por askush nuk ka pohuar që të kenë dëgjuar krisma arme.
Grupit të vajzave që kishin telefonuar në polici u është kërkuar që të japin dëshminë e tyre në Policinë e Lezhës, por një pjesë nuk kanë pranuar duke udhëtuar në drejtim të Kukësit, ku janë ndaluar në kufi nga pala kosovare dhe kanë dhënë dëshminë e tyre.
Ndërkohë, pjesa tjetër e këtij grupi ka dëshmuar në Policinë e Lezhës dhe më pas është nisur drejt Kosovës.
Në përfundim të të gjitha procedurave, materiali hetimor për këtë ngjarje është referuar për kompetencë në Prokurorinë e Rrethit Gjyqësor Lezhë, me shkresën nr.3459, datë 18.11.2015.
Në lidhje me ngjarjen, njëra prej shtetaseve të Kosovës ka paraqitur ankesë për sjelljen dhe deklarimet e disa punonjësve të policisë së Lezhës.
Për këtë shkak, SHÇBA ka bërë një verifikim nga ku ka rezultuar se shërbimet e policisë së Drejtorinë Vendore të Policisë Lezhë i kanë kryer veprimet konform Procedurave Standarde të Punës dhe në respektim të Kodit të Procedurës Penale.”
Këto janë fotot nga aksioni i djeshëm në kryeqyetin Bamako në Mali, ku një grup terroristësh morën peng në Hotel “Radisson Blue” 130 njerëz, nga të cilët 21 mbetën të vrarë. Mediat ndërkombëtare kanë risjellë edhe njëhërë në vemendje sot pamjet e aksionit për lirimin e pengjeve.
