Kur kanë kaluar 10 muaj nga grabitja e filialit të një banke të nivelit të dytë pranë Stacionit të Trenit në Tiranë ku u vodhën 2.4 milionë euro, Prokuroria e Tiranës ka mbyllur hetimet për personat përgjegjës për trasportin e parave.
Burime nga grupi hetimor konfirmojnë se 8 persona do të dërgohen në gjyq për akuzën e shpërdorimit të detyrës.
Këta persona, në bazë të hetimeve, me veprimet dhe mosveprimet e tyre kanë lejuar që të ndodhë grabitja.
Kështu janë dërgur për gjykim Qirjako Taçe me detyrë drejtor i Departamenit të Sigurimit dhe Shoqëruesi i Vlerave Monetare Robert Fetahu, të dy punonjës të bankës.
Gjithashtu do përballen në Gjykata me akuzën dhe 6 punonjësit e policisë private që shoqëonin paratë. Për Prokurorinë Isuf Gjici, Artan Dervishi, Dritan Duka, Saimir Nikoçi Ilir Syla dhe Tomorr Hidri nuk kanë respektuar rregulloren, duke ua lehtësuar grabitjen autoreve.
Grabitja e Union Bank ndodhi ne 13 shkurt në mes të ditës. Katër persona nën kërcënimin e armëve arritën të merrnin 2 çanta me para. Ata qëlluan në ajër për të trembu punonjësit e sigurisë dhe me pas u larguan me mjetin e policisë private të cilin e braktisën në afesi të bregut të lumit. Në këtë vend i priste një automjet tjetër dhe prej këtij moment nuk dihet asgjë për autorët. Edhe pas 10 muajsh policia dhe Prokuroria nuk kane zbuluar asnje detaj mbi autorët dhe për destinacioni e parave.
