Autorët e grabitjes së Rinasit mesa duket kanë pasur edhe një bashkëpunëtor brenda aeroportit që ka ndihmuar në koordinimin e lëvizjeve të tyre.
Policia ka shoqëruar sot 48 vjeçarin, Hasan Kanaçi i cili dyshohet se komunikonte me grabitësit duke i njoftuar për lëvizjen e parave dhe oraret. Kanaçi sipas informacioneve është pjesëtar i stafit të aeroportit në zonën ku përpunohen mallrat dhe lekët e bankave.
Prej disa ditësh prokurorët që po hetojnë këtë çështje janë duke marrë në pyetje pjesëtarë të stafit të aeroportit dhe të kompanisë ICTS që merrej me sigurinë. Nga hetimet e deri tanishme është zbuluar se përveç të arrestuarve në ngjarje janë përfshirë edhe persona të tjerë të cilët janë shpallur në kërkim.
Deri më tani policia ka vënë në pranga 6 persona të dyshuar si të përfshirë në grabitje, Ragip Hajdini, Elton Pikli, Alkond Bengasi, Renaldo Sulaj, Oltjan Veseli dhe Saimir Çela dhe janë shpallur në kërkim Klement dhe Eldi Çala. /Opinion.al
