Ministri i Brendshëm Saimir Tahiri, ka mbërritur në drejtorinë e Policisë së Tiranës, pas grabitjes së ndodhur në aksin rrugor Tiranë-Rinas, ku u grabitën rreth 8 thasë me para të një banke të nivelit të dytë.
Vetë drejtuesit e Policisë së Tiranës ishin në vendin e ngjarjes dhe ndoqën operacionin e policisë në terren. Edhe pse momentet e grabitjes u filmuan me kamera amatore nga qytetarët, deri tani nuk është identifikuar asnjë prej grabitësve dhe as nuk dihet vendndodhja e mundshme e tyre.
Ministri Tahiri ka mbërritur në Policinë e Tiranës ku iu ka kërkuar informacione drejtuesve mbi grabitjen dhe për masat e marra me qëllim kapjen e autorëve.
