Një furgon që vinte nga Italia u grabit të martën në Vlorë në zonën e “Skelës”. Pasagjerëve iu morën paratë dhe sendet me vlerë që kishin me vete. Policia e Vlorës saktësoi shumën e parave që u grabiten nga tre persona në furgonin e linjës Itali-Vlorë. Shuma e parave të grabitura kap vlerën e 19 mijë eurove.
Policia u vu në ndjekje të 3 autorëve. Ata braktisën në autostradë, në mbikalimin pranë fshatit Panaja, automjetin e parë me të cilin u larguan. Për të humbur gjurmët, grabitësit ndërruan sërish automjet, të cilin gjithashtu e braktisën më vonë në fshat.
Por, me anë të gjurmimit me qen, policia zbuloi dy prej autorëve të fshehur në ferra. Ndërkohë, në kërkim vijon të jetë autori i tretë. Policia ka marrë gjurmët e gishtave nga dy automjetet e braktisura, ku u gjetën dhe dy armët kallashnikov./Opinion.al
