Një biznesmen që është dhunuar në janar të këtij viti është grabitur sërish sot në Elbasan. Bëhet fjalë për Ylli Sallën. Policia nuk ka dhënë asnjë informacion mbi këtë ngjarje kriminale, ndërsa deputeti i PD, Luciano Boci deklaron se krimi në Elbasan po merr zemer nga Kryeministri. Ai shkon edhe më tej kur thotë se biznesmeni njihet si i djathtë ndaj policia nuk i arreston kundërshtarët e tij dhe personat e dyshuar të cilët kanë një fabrikë peshku në Labinot Fushë. Sipas Boçit, ata janë miqtë e Kryeministrit.
Deklarata e plotë e deputetit demokrat të Elbasanit
Krimit në Elbasan nuk i vihet kapak floriri duke drejtuar gishtin tek prokuroria apo gjykata, por duke i mbyllur portat atij. As duke nxjerrë në rrugë të madhe ato që përballlen përditë dhe rrezikojnë.
Ngjarja e mëngjezit të sotëm, grabitja e biznesmenit Ylli Salla, dëshmon se krimi në Elbasan është trimëruar e është bë më i fortë se kurrë dhe jo rastësisht.
Mbrojtja publike që i bën Kryeministri simboleve të krimit të organizuar dhe sulmet publike të tij ndaj drejtësisë, e frymëzojnë.
Goditet personi që pak kohë më parë u godit fizikisht nga miqtë e Edi Ramës, të cilët administrojnë fabrikën e peshkut, ndotësen më të madhe të Labinot Fushës e është në proces gjyqësor me ta.
Po policia “e re”?!!!
Rri e vështron dhe i shkel syrin krimit se Ylli është “i skeduar”.
I skeduar si i djathtë!
Kjo është lufta e vërtetë që ben ky shtet e kjo qeverisje.
Luftë ndaj biznesit e njerëzve të thjeshtë.
Ndërsa krimin e ka partner në “beteja”.?
