Neim Avdulaj një prej personave që është arrestuar nga policia gjatë aksionit “Patriot” është kapur sapo ka dalë nga kazinoja në qytetin e tij të lindjes, Vlorë.
Arrestimi i tij erdhi pasi policia zbuloi se Avdulaj bënte pjesë në grupin e strukturuar që kryente grabitjen e bankave.
Në momentin e arrestimit Avdulaj ka qenë duke luajtur në një prej kazinove të qytetit të Vlorës ne bulevardin Vlorë- Skelë i shoqëruar edhe nga dy miqtë e tij.
Madje të njëjtat burime bëjnë me dije se arrestimi i tij është bërë jashtë kazinosë.
Strukturat operacionale së bashku me policinë e Vlorës kanë pritur që Avdulaj të dilte nga kazinoja dhe më pas ta arrestonin, ndërkohë pasi është arrestuar Avdulaj është shoqëruar në drejtim të Tiranës.Sipas punonjësve të kazinosë, Avdulaj sapo kishte fituar 600 mijë lekë (të vjetra).
Ndërsa gjatë operacionit të sotëm dhe kontrollit në banesë, Neim Avdulaj iu gjetën të groposura në tenxhere presioni një sasi e konsiderueshme parash në valutë. Ato dyshohet se janë paratë e grabitura të bankave pasi kishin numra serialë.
28 vjeçari ka shërbyer më herët si ushtar profesionist në Forcat Ushtarake të Zallherrit. Avdulaj ka qenë më parë i ndaluar në Itali për shpërndarje kokaine në vitin 2012, ku gjatë kontrrollit rutinë të policisë lokale u kap në flagrancë me 12 gramë kokainë, të cilën po përpiqej ta shpërndante te klientët në njërin nga lokalet e zonës së Cegias. Avdulaj është i martuar dhe ka një djalë.
