Një vijim të aksionit për arrestimin e autorëve të grabiteve të makinave të bankave apo për gjetjen e provave, policia thotë se sot ka gjetur një tjetër tenxhere presioni me para. “Në Bathore në afërsi të banesës së Admir Çerpjes është gjetur një tenxhere me presion e groposur e mbushur me euro dhe paund”, tha policia. Edhe në Vlorë, 3 ditë më parë u gjetën tenxhere me para në banesën e të dyshuarit Neim Avdulaj.
Ndërsa njoftimi për gjetjen e parave në Kamëz, vjen një ditë pas arrestimit të Admir Çerpjes. Ai është anëtari i pestë që arrestohet për grabitjet në Qafë-Kashar, ndërsa 4 të tjerët: Fatjon Xhyliu, Neim Avdylaj, Ernest Kupa dhe Ditjon Memlika u arrestuan disa ditë më parë.
Grabitësit janë cilësuar si nje grup i strukuruar kriminal që kanë realizuar grabitjen e Qafë Kasharit të 9 Shkurtit 2017.
Admir Çerpja dyshohet si drejtues kryesor i grupit dhe një nga personat e arratisur nga burgu i Trikallasë në Greqi, më 2013-ën.
