Rreth orëve të para të mëngjesit një person i maskuar dhe i armatosur ka grabitur një karburant në mbikalimin e Novoselës. Fatmirësisht gjatë grabitjes me armë nuk pati të lënduar. Policia u shpërnda në kërkimin e autorit dhe ka arritur ta kapë atë vetëm pak orë pas ngjarjes. Nga hetimet e bëra policia zbuloi se mbrëmjen e djeshme autori kishte grabitur dhe një karburant tjetër në të njëjtat kushte në Novoselë.
Deklara e policisë:
Policia bën me dije se në orën 05:53, në mbikalimin e Novoselës një person i maskuar me kapuç në kokë dhe nën kërcënimin e armës së zjarrit – Automatik, ka marrë me forcë një sasi parash prej 24.000 lekë të rinj dhe është larguar.
I fshehur nëpër shkurre midis fshatrave Aliban-Akërni, kapet dhe arrestohet në flagrancë autori i ngjarjes, shtetasi Mariglen Miftaraj, 27 vjeç, banues në fshatin Plashnik, Berat.
Nga hetimet intensive të kryera, u bë zbulimi dhe dokumentimi i një ngjarje tjetër, konkretisht ky shtetas para se të kryente grabitjen në fjalë, rreth orës 00:40 të mëngjesit të sotëm, në të njëjtat kushte ka vjedhur edhe një karburant tjetër brenda Novoselës në pronësi të shtetasit Y.B, ky dyshohet se ka marrë një sasi parash prej 3.000 lekë të rinj.
– Armë zjarri Automatik – Kallashnikov
– Kapuçi, që përdori për maskim
– Një sasi parash prej 27.000 lekë të rinj dhe 150 Euro.
Po kryhen veprimet e tjera procedurale në lidhje me ngjarjen.
