Pas një konflikti mes tre të dënuarve me burgim të përjetshëm gjatë ajrimit në Burgun e Peqinit, Sokol Mjacaj ka qëlluar me armë zjarri, Arben Lleshin, i cili ka ndërruar jetë rrugës për në spital dhe ka plagosur në këmbë, Indrit Shaqen.
Ende nuk dihet arsyet e kësaj ngjarje të rëndë në Burgun e sigurisë së Lartë në Peqin por Mjacaj po merret në pyetje ndërsa i plagosuri Shaqja ndodhet në spital.
Po kush është i plagosuri Indrit Shaqja?
Indrit Shaqja, akuzohet për grabitjen me pasojën vdekjen e dy të moshuarave Gjinovefa dhe Elsa Vava më 2 shtator të vitit 2014 në Durrës.
Pas ngjarjes, Shaqja u shpall në kërkim ndërkombëtar dhe u arrestuar në tetor të vitit 2014 nga Interpoli në Barcelonë të Spanjës.
Ai gjithashtu akuzohet për zhdukjen e Renit të Elbasanit.
I plagosuri, Indrit Shaqja po ashtu akuzohet edhe për zhdukjen e Renit të Elbasanit në vitin 2014.
Ka qenë nëna e Renit, Silvani ajo që ka akuzuar Indrit Shaqen, i cili ka qenë i fundit që është takuar me Renin, para se ai të zhdukej.
