Zyra e një institucioni financiar për dhënien e kredive të vogla është grabitur pasditen e sotme në Tiranë.
Burime nga policia bëjnë me dije se në rrugën ‘Muhamet Gjollesha’ në kryeqytet një person i maskuar, nën kërcënimin e një arme zjarri “, ka marrë një sasi parash nga subjekti kredidhënës dhe është larguar me shpejtësi.
Skena e grabitjes është fiksuar nga kamerat e sigurisë por identifikimi i autorit është i vështirë për shkak të maskimit të tij. Ai bëhet me dije se është rreth 1.8 metra i gjatë dhe ka qenë i veshur i tëri me rroba të errëta dhe me kapuç në kokë.
Nga kjo ngjarje nuk ka persona të lënduar. Ndërkohë që në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë. /Opinion.al
