Disa persona të armatosur dhe të maskuar kanë grabitur të premten një automjet që transportonte paratë e një banke.
Ngjarja ka ndodhur në Shkozet të Durrësit, pranë Drejtorisë së Transportit Rrugor.
Gazetarja e ‘News24’, Klodjana Haxhiaj, tregoi se një mjet tip “Benz” me tre persona të maskuar dhe me armë kanë ndaluar makinën që transportonte paratë dhe e kanë grabitur.
Nuk dihet ende shuma e parave të grabitura, ndërsa autorët janë larguar në drejtim të Shijakut.
Policia e Durrësit është vënë në ndjekje të tyre, si dhe ka ngritur disa postoblloqe për kapjen e autorëve.
