Një kambist është grabitur mëngjesin e sotëm në Korçë. Ngjarja ka ndodhur në lagjen nr. 18 në Korçë, tek rruga “Petraq Shomo”, ku dy persona të armatosur kanë sulmuar kambistin.
Sipas policisë, dy persona të maskuar i kanë dalë në rrugë dhe i kanë vjedhur me dhunë shtetasit me inicialet A. I., një çantë brenda së cilës kishte një shumë lekësh.
Nga të dhënat e para, rezulton se dy personat pasi i kanë marrë çantën këtij personi dhe janë larguar me shpejtësi.
Pasi kanë shkuar në vendin e ngjarjes, policia ka nisur po punon për zbardhjen e rrethanave të ngjarjes, identifikimin dhe kapjen e autorëve.
Materialet procedurale do t’i referohen Prokurorisë së Korçës, për hetime të mëtejshme.
