Tre grabitje kanë ndodhur brenda pak orësh në Tiranë, Fier dhe Korçë. Në fillim u njoftua grabitja e një banke tek 21 Dhjetori në Tiranë, ku dyshohet se u morën 50 milionë lekë të vjetra. Më pas në Korçë u raportua grabitja e një subjekti tregtar, ku morën kasafortën gjatë natës.
Ndërsa rreth orës 11:00 raportohet për një grabitje në Fier. Makina që transportonte paratë e një dyqani të pajisjeve elektronike në Fier është grabitur në qendër të këtij qyteti.
“Rreth orës 11:00 të paradites dy persona të maskuar e të armatosur u kanë bërë pritë shoqëruesve të parave dhe i kanë sulmuar. Si pasojë ata kanë rrëmbyer qeset me para dhe janë larguar me shpejtësi. Dyshohet se kanë marrë plot 220 milionë lekë (të vjetra), thanë burimet. Paratë e biznesit të elektro-shtëpiakeve po dërgoheshin për depozitim në bankë.
Lexo edhe:
Shuma që u grabit në Tirana Bank
Policia jep detaje për grabitjen e bankës: Autorët harruan pistoletën brenda
