Një 46-vjeçar është arrestuar nga Policia në Kavajë pasi akuzohet për vjedhje banesash dhe portofolash.
Në pranga ka rënë Artur Gjoci, 46 vjeç me precedent penal të mëparshëm në fushën e narkotikëve, ndërsa kryente sërish të njëjtën veprimtari kriminale duke shpërndarë lëndë narkotike në doza të vogla.
Në banesën e 46-vjeçarit janë sekuestruar 277 gramë lëndë narkotike kanabis, si dhe bimë të kultivuar në oborrin e banesës.
Nga tërësia e veprimeve hetimore të kryera ka rezultuar se Gjoci është autor i disa vjedhjeve, konkretisht:
– Më datë 26.09.2020 ka vjedhur banesën e F. H.
– Më datë 19.07.2020 i ka vjedhur E. S., çantën e dorës.
-Më datë 28.06.2020 ka vjedhur banesën e F.Sh.
Gjatë marrjes në pyetje 46-vjeçari ka pranuar autorësinë e vjedhjeve të lartpërmendura dhe të sendeve të kundra ligjshme të sekuestruara. Materialet i kaluan Prokurorisë pranë Gjykatës së Shkallës së Parë Kavajë, për veprime të mëtejshme./ Opinion.al
