Dy persona janë arrestuar nga Policia e Tiranës, pasi akuzohen se kanë dhunuar dhe grabitur një shtetas maroken.
Policia njofton se ngjarja ka ndodhur në rrugën “Azem Galica”, ku dy të rinjtë të moshës 17 dhe 21 vjeç, i kanë marrë marokenit 200 euro dhe sende të tjera.
Autoritetet bëjnë me dije se marokeni ishte me dokumentacion të rregullt dhe do të udhëtonte nga Shqipëria drejt të Italisë.
Ndërkohë, dy të arrestuarit do të përballen me drejtësinë për akuzën “Vjedhja me dhunë, kryer në bashkëpunim”./ Opinion.al
