Janë vënë në pranga autorët e vjedhjes së kasafortës dhe makinës në Babrru më 29 korrik 2019.
Policia ka njoftuar se ka arrestuar një 36-vjeçar lindur në Mirditë dhe banues në Fushë Mëzes/Tiranë (proceduar më parë për “Kalim të paligjshëm të kufirit) dhe një 35-vjeçar banues në Tiranë si dhe ka shpallur në kërkim një 37-vjeçar.
Në njoftimin e policisë thuhet se “Këta shtetas në bashkëpunim me njëri-tjetrin më 29 korrik 2019, në Babrru i kanë vjedhur në banesë shtetasit B. M., kasafortën me një sasi të konsiderueshme eurosh dhe automjetin e tij”.
Në momentin e ndalimit personave i është gjetur dhe sekuestruar automjeti i vjedhur dhe një mjet tjetër me të cilin lëviznin. /Opinion.al
