Dy persona janë arrestuar nga Policia e Tiranës pasi kanë grabitur disa qytetarë në sheshin “Skënderbej”. Po ashtu, është proceduar penalisht edhe një 14-vjeçar i përfshirë në këto grabitje.
Në pranga kanë rënë shtetasit K. B., 20 vjeç dhe R. B., 16 vjeç, të dy banues në Tiranë.
Këta shtetas, në sheshin “Skënderbej”, duke i kërcënuar me mjete thikë dhe me një pistoletë false, u kishin vjedhur sendet personale, 3 shtetasve, gjatë ditëve të fundit.
Në cilësinë e provës materiale, u sekuestruan një pistoletë false, 2 thika, sende me vlerë, të dyshuara të vjedhura dhe 3 aparate celulare.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
