Ndodh shpesh ti referohemi asaj që ka ndodhur përpara viteve 90’ në Shqipëri. Edhe në rastin kur duhet të flasim për karrieren e grave do bejmë të njëjtën gjë si formë krahasuese. Karriera e grave dukej më shumë një fasadë se sa një arritje personale e tyre.
Propaganda e kohës e kish zbehur tërësisht feminilitetin, duke i dhënë kazmat në duar apo duke e përfshirë thuajse ne të gjitha profesionet e vështira.
Nuk përjashtojme ketu rastet e shembujve për gra që kanë dhëne kontributin e tyre në fusha të caktuara, si ekonomia, bujqësia, shkenca apo sporti. Pas viteve 90 situata ishte krejt tjetër. Gratë në Shqipëri u përballën me një treg i cili më shumë se gra karrierë kërkonte gra të afta për të mbijetuar në vendin e tyre të punës.
Ato duhej të kontribuonin me të ardhura në familje ku burrat mbetën të papunë sepse nuk arritën dot të gjenin veten ne sistemin e ri të krijuar rishtaz ku rregullat thuajse nuk ekzistonin. Por po aq rastet kalonin edhe në anën e burrave të cilët grave u shtonin edhe peshen e kujdesit për fëmijët.
Duhet të pranojmë se vetëm gjatë viteve të fundit ka një sensibilizim mbi ndarjen dhe përgjesitë e barabarta në përkujdesjen mbi detyrimet familjare. Shembujt e suksesit filluan të shtohen më shumë gjatë ketyre 10 viteve të fundit.
Hyrja e sektorit privat e stimuloi më shumë konkurencën, përgatitjet profesionale dhe mundesitë e arsimimit ishin më të shumta. Një pjesë u kthyen nga studimet jashtë, ndërsa një pjesë tjtër nuk e zgjodhi më Shqipërinë. Por tregu dhe rastet e grave në karrierë filluan të shtohen, me ose pa meritë. /opinion.al
