Prej të premtes në rrjetet sociale kanë qarkulluar dy video të dy grave të ndryshme, të mbuluara me shami, të cilat u kanë folur disa fëmijëve në kryeqytet dhe që pretendohet se kanë kërkuar t’I afrojnë pranë disa makinave me të cilat lëviznin.
Gazetari Merin Maçi tha në studion e emisionit “Opinion” se gratë janë anëtare të kampit MEK, por ndaj tyre nuk ka patur ndonjë denoncim. Njëra nga gratë është parë në Bulevardin e Rid he tjetra në zonën e Yzberishtit.
“ Gratë janë anëtare të kampit MEK dhe nga verifikimet e tanishme kanë qenë në lëvizje për të marr shërbime mjekësore dhe pikërisht furgoni i kuq është një furgon, që shërben për transportimin e anëtarëve të MEK drejt qëndrave shëndetësore.
Policia ka nisur një hetim me iniciativë, pasi nuk ka asnjë denoncim. Po hetohen 2 pista lidhur me këtë denoncim, që është bërë në rrjetet sociale dhe një pistë e dytë është me desinformim për shkak të prejardhjes që ato kanë”, u shpreh Maçi.
