Gordon Ramsey është shefi më i famshëm i guzhinës, fama e të cilit është ndërkombëtare. Të provosh pjatat e tij është një luks që jo të gjithë njerëzit e kanë. Prenotimet për në restorantet që ai drejton bëhen me muaj përpara.
Në një intervistë të fundit Ramsey ka treguar një eksperiencë të çuditshme me dy klientë të tij. Sipas shefit, ata kishin kërkuar që në ëmbëlsirën e tyre, në vend të sheqerit pluhur të hidhej kokainë.
“Një çift më ka bërë kërkesën më të çuditshme. Ata ishin duke ngrënë darkë, dhe kur erdhi koha e ëmbëlsirës erdhën dhe më thanë: Dëgjo, të gjithë janë të lumtur që ti je këtu, por a mundesh që te sufleja e çokollatës të hedhesh kokainë në vend të sheqerit pluhur?”- tha ai.
Sigurisht që Ramsey nuk e pranoi këtë kërkesë, por do ta kujtojë gjatë./Opinion.al
