Aktualitet

Gonxhja: Rinovimi i patentës çdo 15 vjet, targat e personalizuara do jenë më të shtrenjta



Bëhu pjesë e Grupit Zyrtar të Opinion.al
>> KËTU <<
               Publikuar në : 18:11 - 25/01/23 |
Opi Nion

Drejtori i Përgjithshëm i Shërbimit të Transportit Rrugor, Blend Gonxhja ka folur në lidhje me rinovimin e patentës.

Ai thotë se një nga ndryshimet që pritet të marrin miratimin e nevojshëm është fakti që patentat do të rinovohen çdo 15 vjet, në krahasim me 10 vjet që është aktualisht.

Ndryshime priten edhe për personat mbi 50 vjeç, të cilët deri më sot rinovimin e patentës e kanë bërë çdo pesë vite.

Gonxhja ka folur në lidhje me target e privilegjuara në të cilën nga momenti i aplikimit janë marrë 7 milion euro nga shitja e tyre, ndërsa bëri me dije se së shpejti në shkurt priten të hynë në fuqi targat e personalizuara, për të cilat kreu i DPSHTRR paralajmëroi se do të jenë shumë të shtrenjta.

I ftuar në “A2CNN” ai ka deklaruar se do të ketë një komitet censure për këto targa, ndërsa tha se do të përbëhet nga një kombinim germash dhe numrash.

“Që nga momenti i aplikimit, që mos shiteshin më targat nëpër tavolinë, kemi bërë 7 milion euro nga shitja e këtyre targave të privilegjuara. Shpresojmë në shkurt të vijmë me targat e personalizuara, sepse këtu do të ketë një komitet censure. Do ketë fjalë që nuk lejohen. Do të jetë shumë e shtrenjtë, po i paralajmëroj qytetarët. Do jetë një kombinim mes germave dhe numrave, por do të jetë edhe mundësia që drejtuesi ta zgjedhë vetë se si do ta personalizojë targën e tij nga fillimi në fund. Shpresojmë që ta vëmë në zbatim që nga shkurti.”– ka thënë Gonxhja./Opinion.al

Pas