Pasi doli nga SPAK Drejtori i Drejtorisë së Përgjithshme të Transportit Rrugor, Blendi Gonxhe, ka dhënën një deklaratë për gazetarët.
Ai është shprehur se është paraqitur për një verifikim ndërsa shtoi se nuk ka lidhje me institucionin që drejton DPSHTRR.
“Nuk ka lidhje DPSHTRR për këtë, isha për një verifikim, për një sqarim, nuk ka lidhje me detyrën tim. Është një çështje që është në hetim, nuk ka lidhje as me ministrinë, as me rrugët, është një çështje rutinore, nuk erdha nga dera e pasme. Deklarova për një situatë që me pyetën që nuk ka lidhje dhe rëndësi. Unë jam këtu si Ben Gonxhja. Nuk ka lidhje me institucionin shtetëror, as me tendera e krim, më vjen keq që ju zhgënjeva”-tha Gonxhe.
