Filmi “Oppenheimer” ishte fituesi më i madh i çmimeve të Globit të Artë të dielën mbrëma, duke fituar pesë çmime, përfshirë çmimin kryesor si filmi më i mirë dramatik.
Cillian Murphy dhe Robert Downey Jr u shpërblyen për paraqitjet e tyre në aktrim, si aktori më i mirë dhe aktori më i mirë në rol dytësor.
Ndërsa, Christopher Nolan fitoi çmimin regjisori më i mirë për dramën më të mirë “Oppenheimer”.
“Succession” fitoi më së shumti çmime në kategoritë televizive, pas sezonit të katërt dhe përfundimtar.
Filmi “Poor Things” nga Yorgos Lanthimos befasoi duke e mposhtur filmin “Barbie” për komedinë më të mirë, apo filmin më të mirë muzikor.
Por, “Barbie”, e regjisores Greta Gerwing, fitoi çmimin për arritje kinematografike dhe për përfitimet më të mëdha, pasi arkëtoi 1.4 miliard dollarë të ardhura në gjithë botën.
