Shkon në 23 numri i personave të cilët kanë ndërruar jetë pas goditjes nga tornado të Misisipit.
Më shumë njerëz mendohet se janë bllokuar nën rrënojat e ndërtesave të shkatërruara.
Tornado shkaktoi shkatërrime në disa qytete rurale, ku u shkatërruan pemët dhe linjat e energjisë, si dhe u raportuan dhjetëra mijëra ndërprerje të energjisë elektrike.Disa shtete të tjera jugore janë gjithashtu të përgatitur për stuhi të fuqishme.
Breshër në madhësinë e topave të golfit dhe reshje të dendura shiu janë raportuar në disa zona të shtetit.
Banorët e Rolling Fork, raportojnë të tmerruar duke thënë se tornado shpërtheu dritaret nga pjesa e pasme e shtëpive të tyre dhe se dëmet në zonë raportohen të jenë shumë të rënda.
“Nuk kam parë kurrë diçka të tillë… Ky ishte një qytet i vogël shumë i mrekullueshëm, dhe tani është zhdukur”, tha banori për CNN.
Tornadoja e fuqishme goditi Misisipin Perëndimor të premten mbrëma, ku sipas Shërbimit Kombëtar të Motit ka qenë një nga tornadot më të rrezikshme në vend./Opinion.al
