Prokuroria e Posaçme Kundër Korrupsionit dhe Krimit të Organizuar ka zhvilluar një tjetër operacion të përbashkët me autoritete të huaja, këtë herë me ato finlandeze.
SPAK njoftoi sot se në kuadër të këtij aksioni janë goditur disa grupe kriminale që merren me trafikun e lëndëve narkotike.
Për këtë arsye, prokurorët e posaçëm dhe përfaqësuesit e autoriteteve finlandeze do të dalin në një konferencë të përbashkët për shtyp, e cila është parashikuar të mbahet në orën 12:10.
Deri më tani nuk ka detaje të tjera rreth këtij operacioni. Kjo nuk është hera e parë që SPAK bashkëpunon me autoritete të huaja për të goditur grupet kriminale.
Rasti më i fundit ishte mega-operacioni “Ura”, ku në bashkëpunim me Antimafian italiane, u lëshuan me dhjetëra urdhër-arreste, ndërsa u godit një grup i fuqishëm kriminal me bazë në Durrës.
