Një 17-vjeçar është arrestuar nga policia, pasi dyshohet se për motive të dobëta ka dëmtuar me thikë, një bashkëmoshatar.
Sipas uniformave blu mësohet se ngjarja ka ndodhur mbrëmjen e datës 16.03.2025, në rrugën “Besëlidhja”, Tiranë.
Po ashtu ka nisur procedimi në gjendje të lirë për një tjetër 17-vjeçar, pasi dyshohet se ka goditur me grushte, autorin e dyshuar të plagosjes me mjet prerës.
Ndërkohë mësohet se 17-vjeçari i dëmtuar është aktualisht në kujdesin e mjekëve, jashtë rrezikut për jetën.
“Specialistët për Hetimin e Krimeve të Komisariatit të Policisë Nr. 5:
-arrestuan një 17-vjeçar dhe referuan materialet në Prokurori, ku nisi procedimi në gjendje të lirë për një bashkëmoshatar të tijin.
I mituri i arrestuar, dyshohet se për motive të dobëta, ka dëmtuar me mjet prerës (thikë), një bashkëmoshatar të tijin, mbrëmjen e datës 16.03.2025, në rrugën “Besëlidhja”, ndërsa i mituri i proceduar dyshohet se ka goditur me grushte, autorin e dyshuar të plagosjes me mjet prerës.
Mjeti prerës u gjet dhe u sekuestrua me cilësinë e provës materiale. 17-vjeçari i dëmtuar është aktualisht në kujdesin e mjekëve, jashtë rrezikut për jetën”, njofton policia.
