Një ngjarje e rëndë ka ndodhur mbrëmjen e sotme në Gumenicë të Vlorës. Mësohet se një konflikt mes xhaxhait dhe nipit ka degjeneruar deri në përdorimin e sëpatës.
Pas konfliktit me xhaxhain, gruaja e tij dhe vajza i kanë shkuar nipit në shtëpi dhe janë konfliktuar përsëri, gjatë debatit, ky i fundit ka marrë sëpatë dhe i ka goditu me myq të sëpatës.
Nga goditja gruaja dhe vajza kanë marrë plagë të lehta dhe janë jashtë rrezikut për jetë. Dyshohet se shkak për ngjarjen janë bërë konfliktet e vjetra mes palëve. Ndërkohë, policia ka arrestuar autorin e ngjarjes të identifikuar me inicialet M.Ç. 27 vjeç, dhe po punon zbardhjen e plotë të dinamikës së ngjarjes.
Njoftimi i policisë
Kapet dhe shoqërohet në Polici për veprime të mëtejshme autori i ngjarjes në Gumenicë të Selenicës.
Rreth orës 19:00, në fshatin Gumenicë e Vjetër të Selenicës, pas një konflikti për motive të dobëta shtetasi M.Ç, ka goditur me sende të forta vajzën dhe bashkëshorten e xhaxhait të tij, të cilat janë transportuar për në spital pa probleme për jetën.
Policia ka shkuar menjëherë në vendin e ngjarjes dhe pas kontrollit të zonës përreth ka bërë të mundur kapjen dhe shoqërimin e 27 vjeçarit M.Ç, si autor i dyshuar në lidhje me ngjarjen.
Po punohet për sqarimin dhe zbardhjen e rrethanave të mëtejshme të ngjarjes./ Opinion.al E.Xh.
