Një 29-vjeçar, është arrestuar nga policia, pasi në ambientet e një lokali goditi me send të fortë, një 65-vjeçar.
Policia bën me dije se është njoftuar për një konflikt ndërmjet 2 shtetasve, në një lokal në fshatin Perondi.
Pasi kanë shkuar në vendngjarje kanë arrestuar në flagrancë shtetasin K. K., 29 vjeç (shtetas me probleme mendore), banues në Kuçovë, i cili për motive të dobëta, në ambientet e një lokali, goditi me send të fortë, shtetasin Xh. Sh., 65 vjeç.
Në vijim të veprimeve procedurale për rastin u referuan materialet në Prokurori, ku nisi procedimi në gjendje të lirë për babanë e shtetasit K. K., shtetasin S. K., 56 vjeç, pasi ka kanosur 65-vjeçarin, që të tërhiqte denoncimin e bërë në Polici, për këtë rast.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
