Policia e Korçës ka vënë në pranga një 24-vjeçar, i cili goditi me mjete të forta babain, pas një konflikti për motive të dobëta.
Mësohet se 52-vjeçari fillimisht ka deklaruar se ishte dëmtuar gjatë kohës kur po punonte në punishten e tij në lagjen nr. 17, Korçë, ku i kishin rënë disa mjete të forta në kokë.
Por pas hetimeve dhe këqyrjes së pamjeve filmike të vendngjarjes dhe provave të tjera të grumbulluara është zbardhur ngjarja, ku rezultoi se 52-vjeçari ishte goditur me mjete të forta nga djali i tij shtetasi Adriel Kabashi 24 vjeç.
Bëhet me dije se i riu e ka goditur të atin gjatë një konflikti për motive të dobëta.
Në vijim të veprimeve procedurale, u bë arrestimi në flagrancë i shtetasit A. K., 24 vjeç, për veprën penale “Dhuna në familje”, ndërsa 52-vjeçari u transportua në Tiranë për mjekim të specializuar./Opinion.al
