Një i mitur me iniciale L.B, rreth 15-vjeç, ka humbur jetën si pasojë e plagëve të marra pasi është goditur me thikë.
Ngjarja ka ndodhur ditën e sotme rreth orës 10:10 në rrugën “Ylber Fanaj” në Prizren.
Njoftimi i policisë thekson se vdekja e 15-vjeçarit ka ardhur si pasojë e një përleshje momentale, teksa i mituri ka gjetur vdekjen e menjëhershme.
“Me datën 18 janar 2021 rreth orës 10:10, ne rrugën “Ylber Fanaj” në Prizren, pas një përleshje ndërmjet pese personave te mitur, njëri nga të miturit i dyshimtë e ka goditur viktimën L.B me mjet të prehtë përkatësisht thikë duke i shkaktuar lëndime serioze që për pasojë viktima ka ndërruar jetë. Në vendin e ngjarjes ka ndalur mjeku kujdestar i emergjencës i cili ka konstatuar vdekjen e viktimës”, thuhet në njoftim.
Grupi hetimor është në vendngjarje dhe rasti është duke u hetuar nga njësia hetimeve rajonale në Prizren./Opinion.al
