Një 65 vjeçar ka ndërruar pasi është goditur me një shishe qelqi. Ngjarja u shënua mbrëmjen e së dielës në fshatin Gjashtë të Sarandës. Viktima është identifikuar si Gëzim Bizioni autori 42 vjeçar si Admir Beqiri.
Sipas policisë, ngjarja është shënuar pas një sherri për motive të dobëta në oborrin e banesës së 65 vjeçarit. Si pasojë e dëmtimeve të marra, Bizioni ka ndërruar jetë në vendngjarje.
Policia ka bërë të mundur arrestimin e autorit dhe paraprakisht dyshohet se autori ishte nën ndikimin e alkoolit në momentin e ngjarjes.
Sipas informacioneve, 65 vjeçari ishte i divorcuar dhe jetonte i vetëm. Një vit më parë, kishte marrë shokun e tij, 42 vjeçarin të jetonte së bashku me të.
Ndërsa kohët e fundit dyshohet që viktima i kishte kërkuar 42 vjeçarit të linte banesën. Ky i fundit sipas hetimeve paraprake vuante nga problemet me alkoolin.
Në gjendje të dehur autori ka goditur për vdekje me sende të forta 65 vjeçarin Gëzim Bizioni.
