Instituti Francez në Gaza u godit nga një sulm ajror izraelit, por nuk u raportuan të lënduar në mesin e stafit, tha të premten Ministria e Jashtme franceze.
Mediat raportojnë gjithashtu se u godit edhe zyra e Gazës e agjencisë së lajmeve Agence France- Presse (AFP).
Ministria franceze shtoi se u kishte kërkuar autoriteteve izraelite që të japin arsyet “të forta” që motivuan goditjen ndaj institutit.
Në një deklaratë të veçantë, ministria shprehu gjithashtu “shqetësime shumë të forta” për numrin e viktimave civile në Gaza.
AFP tha në rrjetin social X se zyra e saj në Rripin e Gazës u granatua nga ushtria izraelite dhe u dëmtua rëndë ditën e enjte nga një sulm.
Asnjë nga tetë anëtarët e stafit të AFP ose punonjësit e përhershëm me bazë normale në Gaza nuk ishin në vend në momentin e goditjes. Të gjithë u evakuuan në jug të Rripit të Gazës më 13 tetor, shtoi ai.
“AFP dënon në termat më të ashpër këtë sulm ndaj zyrës së saj në qytetin e Gazës”, tha ajo./Opinion.al
