Policia e Korçës ka goditur një grup kriminal që merrej me trafik droge, trafikimit të të miturve dhe armëmbajtje pa leje. Sipas policisë në operacionin e koduar, “Zereci”, është parandaluar dhe trafikimi i një vajze të mitur në drejtim të Greqisë me qëllim shfrytëzimi për prostitucion.
Në pranga kanë përfunduar 7 persona, ndërsa një tjetër është shpallur në kërkim. Mes të arrestuarve thekson policia është dhe një pjesëtar i një organizate kriminale, me rrezikshmëri të lartë shoqërore, i dënuar më parë në Greqi.
Po ashtu janë sekuestruar edhe armë zjarri, municione luftarake, granata dore, bimë narkotike kanabis etj…
Të arrestuar:
R.L, 33 vjeç, banues në Drithas, Maliq, (i dënuar më parë në Greqi për veprat penale “Vjedhja me dhunë”, “Vjedhja me armë”, vepra penale këto të kryera në kuadrin e organizatës kriminale);
M.F, 37 vjeç, banues në Kakaç, Maliq;
E.B, 34 vjeç, banues në Petrushë, Pogradec;
R.M, 29 vjeçe, banuese në Kakaç, Maliq;
E.K, 26 vjeç, banues në Zerec, Maliq;
O.M, 39 vjeç, banues në Zerec, Maliq;
Ç.F, 36 vjeç, banues në Kakaç, Maliq (i dënuar më parë për vjedhje) për veprën penale “Përkrahja e autorit të krimit”;
Në këkrim është shpallur: L.P, 28 vjeç, banues në Shelcan, Elbasan;
Nga hetimet e kryera është provuar se shtetasit R.L, M.F, E.B, R.M dhe L.P, kishin planifikuar të trafikonin për qëllim prostitucioni në drejtim të Greqisë një shtetase të mitur.
Gjithashtu shtetasit R.L, M.F, E.K dhe O.M, në bashkëpunim me njëri-tjetrin, kanë kultivuar bimë të dyshuara Cannabis Sativa, në territorin e fshatit Zerec, Maliq, të cilat u asgjësuan gjatë operacionit dhe një pjesë u sekuestrua në cilësinë e provës material./ Opinion.al
