Policia rrugore e Torinos ka zbuluar një bandë që merrej me trafikimin ndërkombëtar të makinerive dhe automjeteve të nivelit të lartë.
Pjesëtarët e kësaj bande akuzohen se vidhnin dhe zhduknin makina luksoze.
Gjithsej 22 makina të sekuestruara nga Policia Rrugore, veçanërisht nga ekipi i policisë gjyqësore Piemonteze dhe ta në të gjithë Italinë veriore.
Sipas mediave italiane, operacioni i quajtur ‘Nova Gorica’ çoi në 17 masa paraprake, nga të cilat trembëdhjetë në burg dhe katër në arrest shtëpiak.
Policia njofton se janë sekuestruar 12 makina me vlerë të lartë tregtare dhe dhjetë makina bujqësore.
Automjetet janë vjedhur në veri të Italisë dhe kanë një vlerë totale mbi një milion euro. Në mesin e viktimave ishin kompanitë e qiradhënies dhe makinave me qira, makinat e të cilave, pasi u raportuan për vjedhje, u eksportuan ilegalisht përtej kufirit.
Policia thotë se automjetet kishin si destinacion vendet afrikane dhe gadishullin ballkanik.
Makinat udhëtonin në kontejnerë për në Gambia, Slloveni dhe Shqipëri. Për transport u përdorën portet e Barit dhe Ankonës, Aversa në Belgjikë, Le Havre në Francë dhe Capodistria në Slloveni.
Eskavatorët ishin vjedhur nga kompanitë private që operonin në sektorin e ndërtimit në Piemonte dhe Lombardi. Të vjedhura nga kantieret e ndërtimit, ato u ruajtën në Lodi dhe në zonën e Bergamos.
Makinat luksoze që paguheshin shtatë mijë euro në Itali shiteshin dyfish më shumë jashtë vendit”, thekson drejtori i policisë rrugore Paolo Di Quattro./Opinion.al
