Goditet një grup që vidhte banesa në kryeqytet. Sipas policisë së Tiranës në operacionin e koduar “Kasaforta” janë arrestuar tre persona si dhe 1 tjetër është shpallur në kërkim. Po ashtu janë sekuestruar bizhuteri, kasaforta, vlerat monetare, si dhe sendet e përdorura për të kryer vjedhjet.
Dy ditë më parë, rreth orës 19:00 policia është njoftuar se në rrugën “Sulejman Pitarka”, është vjedhur banesa e shtetasit Th. Q, ku hajdutët marrë një kasafortë, brenda së cilës kishte disa bizhuteri të shtrenjta dhe një sasi parash.
Policia ka rënë në gjurmë të autorëve ndërsa në lumin Erzen, në afërsi të Shijakut është gjetur kasaforta për të humbur gjurmët.
Gjatë kontrollit të banesave të autorëve policia gjeti dhe sekuestroi në cilësinë e provës materiale sendet si më poshtë: 41 ora të ndryshme të markave të shtrenjta, katër çelësa special për hapje dyersh, një automjet me targa AC 525 T, 11 lima për pastrimin e çelësave special, dy leva për hapje dyersh, një sasi monedhash metalike të llojeve të ndryshme, shtatë telefona celular, një elektrik (elektroshot), një sasi bizhuterish të ndryshme.
Po ashtu rezultoi se të arrestuarit në bashkëpunim me njëri-tjetrin dyshohen edhe si autorë të vjedhjes së banesës së shtetasit E. Ç., ngjarje e datës 05.04.2019.
Të arrestuar:
E. J., 37 vjeç, banues në Tiranë, për veprën penale “Vjedhja me pasoja të rënda”, në bashkëpunim.
A. Sh., 22 vjeç, banues në Tiranë, për veprën penale “Vjedhja me pasoja të rënda”, në bashkëpunim.
D.. P., 33 vjeçe, banuese në Tiranë, për veprën penale “Veprime që pengojnë zbulimin e së vërtetes”./ Opinion.al
