Policia ka zbuluar një grup shpërndarësish heroine në qytetet Durrës dhe Shijak.
Mësohet se ditën e djeshme në qendër të Shijakut u arrestua Bledar Tahiri, 39 vjeç, banues në Shijak.
Burimet nga policia thanë se 39-vjeçari u kap në flagrancë, ndërsa iu sekuestrua në cilësinë e provave materiale rreth 179 gr lëndë narkotike e dyshuar e llojit Heroinë, e ndarë në 30 doza, një peshore elektronike dhe një aparat telefoni celular.
Ndërkohë tre persona janë shpallur në kërkim
- K. 36 vjeç, banues në Shijak;
- R. 34 vjeç, banues në Durrës;
- Ç. 39 vjeç, banues në Durrës.
“Nga hetimet e kryera u dokumentua me prova shkencore se shtetasit e mësipërm janë të përfshirë në veprimtari kriminale ku në bashkëpunim me njëri-tjetrin shpërndanin lëndë narkotike të llojit Heroinë në zonën e Shijakut dhe të Durrësit. Bledar Tahiri, në rolin e ndërmjetësit i’a blinte lëndën narkotike shtetasit E.K. dhe më pas u’a shiste shtetasve E.R. dhe L.Ç. kundrejt një pagese.” informon policia e Durresit
Operacioni antidrogë i koduar”Bridge” u ndërmor pas një hetimi tre mujor nga specialistët për Hetimin e Narkotikëve në Drejtorinë Vendore të Policisë Durrës në bashkëpunim me Prokurorinë e Rrethit Gjyqësor Durrës
