Dy të mitur janë arrestuar nga policia e Shkodrës pasi kanë goditur me thikë dhe lënë të plagosur 16-vjeçar.
Mësohet se plagosja e shtetasit R. S., 16 vjeç ka ndodhur pas një konflikti të çastit, në lagjen “Vasil Shanto”.
Ndër te tjera policia informon se si autorë të dyshuar të rastit, u arrestuan shtetasit A. N., 15 vjeç dhe M. M., 16 vjeç, të dy banues në Shkodër, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
Ndërkaq, shtetasi R. S. vijon të jetë në spital, në kujdesin e mjekëve.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme./Opinion.al
